Hvalveiðar skapa atvinnu

Við megum ekki kasta á glæ tækifærum til að skapa atvinnu og afla gjaldeyris fyrir þjóðina. Hvalirnir eru að ryksuga upp alla átu í sjónum, sem sést best á hruni fuglastofna og næst snúa þeir sér að loðnu og síld. Svo verður það ýsan og þorskurinn.
Það ríkir mikið ójafnvægi í hafinu, sem fyrr eða síðar gerir út um okkur. Hvalirnir eru að verða eins og vondu bankakarlarnir og þeim þarf að stjórna.

Greiðfært að semja ný lög um hvalveiðar

Athugasemdir

[Finnur Bárðarson, 21.2.2009 kl. 11:36]

Sem sagt útrýma hvölum og skapa þannig jafnvægi í hafinu ? Hvalurinn á jú heima þarna og af hverju má hann ekki fá sér snarl? Við höfum engan einkarétt á náttúrunni jafnvel þó við séum Íslendingar

Kveðja

[Lundi (IP-tala skráð) 21.2.2009 kl. 12:33]

Þetta er áhugaverð þeoría hjá þér en ekki á rökum studd. Mýturnar sem eru í gangi varðand hvali og fisk í sjónum eru byggðar á smættarkenningum hagsmunaaðila sem að augljóslega skilja bara eina hlið. Ég er hissa á því að sjá formann félags kvenna í nýsköpun lepja þessa þvælu upp eins og staðreyndir.

[Örn (IP-tala skráð) 21.2.2009 kl. 12:38]

Ertu algerlega heilhamlaður Finnur? Ekki útrýma, bara veiða þá. Þetta eru nokkur hundruð þúsund kvikindi nálægt milljón! Meira að segja alltof lítið að taka bara nokkur hundruð við eigum að taka alveg þúsund dýr.

[Elinóra Inga Sigurðardóttir, 21.2.2009 kl. 13:37]

Það þarf að vera jafnvægi í fæðukeðjunni og hvalurinn og maðurinn er hluti af henni.
Lundi ég spyr þig: Hvað kemur þetta formennsku minni við í félagi kvenna í nýsköpun?

[Ómar Bjarki Kristjánsson, 21.2.2009 kl. 13:42]

Til að hvalveiðar hafi etv. hugsanlega og kannski áhrif til vaxtar fiskistofna eða annara lífstofna hafsin - þarf að veiða miklu miklu miklu meira en verið er að tala um í þessu rugli núna.  Miklu meira í fleiri fleiri ár.

Við erum að tala um fjöldaslátrun.

Og jafnvel þó farið væri útí fjöldadráp - er ekkert gefið að um vöxt fiskistofna verði að ræða.  Alveg óvíst.

[Sigurpáll Ingibergsson, 21.2.2009 kl. 14:33]

Vandamál okkar er að ef við förum að veiða stórhvelið langreyði, þá eru hún skilgreind í útrýmingarhættu. Því geta árásir á okkur Íslendinga orðið beittar.

Hvalir eru mikilvægir í jafnvægi vistkerfi hafsins. Fiskifræðingurinn Daniel Pauly greindi fyrir nokkru frá rannsóknum sem bentu til þess að samkeppni hvala og manna um fæðu væri ekki eins mikil og margir fiskifræðingar vildu vera að láta. Ennfremur segir hann: "Þó hvalir éti til að mynda umtalsvert magn af þorski, auki þeir líkur á betri afkomu þorskstofna, vegna þess að þeir éti einnig tegundir sem éti þorskseiði."

Einnig þarf að fara í gegnum hreinlætismál og útgáfu kvóta. Þetta vinnulag sem nú er við lýði er klárlega mannréttindabrot, rétt eins og með fiskveiðar.

[Lundi (IP-tala skráð) 21.2.2009 kl. 15:49]

Ég hefði haldið að einstaklingur sem er formaður einhvers sem hefur með nýsköpun að gera væri aðeins víðsýnni og hugmyndaríkari.

[Rúnar (IP-tala skráð) 21.2.2009 kl. 15:52]

Elinóra: Maðurinn er fyrir ofan fæðukeðjuna. Við erum ekki hluti af henni eins og dýrin, dýrin hafa ekki val, við höfum val. Við þurfum ekki einu sinni að éta kjöt í þessu nútímasamfélagi okkar. Dýrin hafa ekki svona valkosti. Sérstaklega ekki dýr eins og hvalir.

Við bjuggum til fæðukeðjuna. Við erum ekki efst á henni heldur erum við fyrir utan hana. Við erum ekki dýr lengur.

[Ólafur Gunnarsson, 21.2.2009 kl. 22:27]

Rúnar, maðurinn er víst dýr, og það sem meira er hann er hættulegasta dýrategund jarðar.

[Rúnar (IP-tala skráð) 22.2.2009 kl. 01:54]

Það vorum við sem bjuggum til skilgreininguna. Við erum menn, þau eru dýr. Við höfum siðferðiskennd og þekkjum muninn á réttu og röngu, þess vegna getum við framið glæpi en ekki þau. Við höfum fjarlægst náttúruna og að miklu leyti misst þau tengsl við hana, sem dýrin hafa enn.

Við höfum greindina og getuna sem þau hafa ekki.

Maðurinn þarf ekki að beita önnur dýr ofbeldi til þess að komast af.

[Ólafur Gunnarsson, 23.2.2009 kl. 11:33]

Það slær eitthvað útí hjá þér Rúnar. Þú segir að maðurinn sé ekki dýr, og svo segir þú maðurinn þarf ekki að beita önnur dýr ofbeldi.

[Rúnar (IP-tala skráð) 23.2.2009 kl. 11:42]

Já, ég tók eftir þessu eftir á, en gat svo ekki breytt.