Kúvendingar er þörf

Engin skyndilausn er til við þeim vanda, sem nú steðjar að íslensku þjóðinni. Algjör kúvending hefur orðið á kjörum og aðstæðum almennings hér á landi á örskömmum tíma. Kúvending, þ.e. einnig í þeirri merkingu að nú virðast stjórnvöld snúa rassinum upp í vindinn í stað þess að grípa til raunhæfra aðgerða. Ljóst er, að þörf er á viðækri hugarfarsbreytingu. Við þurfum að ná okkur upp úr þeim doða og aðgerðarleysi, sem fylgir áfallaröskun heillar þjóðar.

Í vísindunum er stundum talað á fínu máli um "Paradigm shift" þegar ný sannindi leysa þau gömlu af hólmi og viðhorf manna og viðmið taka nýja stefnu. 

Íslendingar hafa alla tíð böðlast áfram. Það býr í þjóðarsálinni. Meira er betra en minna, magn er mun skárra er gæði. Þetta viðhorf er nú komið í þrot. Við höfum lengi stefnt að því, að fylla stórmarkaði og lágvöruverslanir erlendis af íslenskum fiski, lambakjöti og öðrum íslenskum afurðum. Þetta er kolröng stefna að mínu mati. Að vísu hefur viss árangur náðs varðandi lambakjötið í sérverslunum í USA.

Við verðurm að breyta þeim hugsunarhætti að við séum að framleiða lágvöru. Við erum að framleiða hágæða matvöru og við eigum að verðleggja vörur okkar skv. því. Annað er tómt rugl. Við þurfum kúvendingu í hugsunarhætti og viðskiptaháttum. Við þurfum að vinna saman að því að byggja upp íslenskan iðnað og að markaðsetja vörur okkar erlendis sem einstakar vörur, í stað þess að kroppa augun úr hvert öðru. Einungis þannig er framtíð okkar borgið.

  

Óskabörn Íslands. Hver eru þau?

Jón Sigurðsson var helsti leiðtogi Íslendinga í sjálfstæðisbaráttunni á 19. öld. Til þess að minnast hans var fæðingardagur hans valinn sem sá dagur sem Háskóli Íslands var stofnaður árið 1911 og sem þjóðhátíðardagur Íslendinga þegar Lýðveldið Ísland var stofnað þann 17. júní árið 1944.

Jón Sigurðsson var án efa lærðasti stjórnmálamaður Íslands, og alla daga var fræðimannsgleðin einn sterkasti þátturinn í lundarfari hans. Sennilega mun vera leitun á stjórnmálamanni hjá nokkurri þjóð, er hafi látið sögu lands síns þjóna málstað nútíðarinnar með slíkri kostgæfni og jafn ríkum árangri og Jón Sigurðsson.

Vorið 1851 var Jón kosinn forseti Hafnardeildar Bókmenntafélagsins og urðu störf hans fyrir félagið mjög umfangsmikil og gegndi hann forsetastarfinu til æviloka. Af þessu starfi fékk hann viðurnefnið forseti.
Segja má að Jón hafi verið nokkurs konar ólaunaður sendiherra Íslendinga í Kaupmannahöfn og að hann hafi haldið þar uppi viðskiptaskrifstofu fyrir þá á eigin kostnað. Sá hlutur var varla til sem landar hans báðu hann ekki um að hjálpa sér með. Gerði hann það með glöðu geði, þar sem hann vissi að það var snar þáttur í pólitískri velgengni hans.

Jón Sigurðsson, andaðist í Kaupmannahöfn þ. 7. desember 1879. Á silfursveig, sem Íslendingar í Höfn settu á kistu hans segir: „Óskabarn Íslands, sómi þess, sverð og skjöldur“.

Á þessu ári eru því 130 ár liðin frá andláti Jóns. Íslenska þjóðin þarf að spyrja sig að því, hver eða hverjir hafi haldið og halda nú uppi merki Jóns Sigurðssonar í stöðugri baráttu okkar fyrir að efla og viðhalda sjálfstæði þjóðarinnar á öllum sviðum. Hvernig getur Íslenska þjóðin heiðrað minningu Jóns Sigurðssonar sem best og haldið hugsjónum hans á lofti og þannig vottað honum virðingu okkar?

Hvar eru nú Óskabörn Íslands, sverð þess og skyldir?

 

 

 

 

 

 

 

 

heimildir:
hrafnseyri.is

Hver er mælikvarði velferðar?

Velferð mannsins verður ekki einungis mæld í peningum. Velferð mannsins felst í möguleikum hans til að ná þroska og fá að þróast í víðum skilningi. Velferðarmál ættu því að beinast að því að skapa manninum hagstætt umhverfi til að hann geti lifað heilbrigðu og innihaldsríku lífi. Þetta kann að hljóma einfalt en er mjög flókið í framkvæmd.

Ýmsar mælistikur hafa verið notaðar á velferð svo sem lífslengd, möguleikar til þekkingaröflunar, læsi, hreinlæti, aðgengi að hreinu vatni, orkunotkun og fleira mætti telja. Allt byggist þetta á tölfræði en erfitt er að þýða setningu svo sem; „Þau lifðu löngu, heilbrigðu og innihaldsríku lífi“ yfir á kalt, hlutlægt táknmál tölfræðinnar. Talnaröðin 10110101 00101010 segir lítið um tilfinningar okkar. Slík tölfræði í miklu magni getur þó gefið okkur nákvæmar og yfirgripsmiklar upplýsingar um ástand ólíkra landsvæða og meðal ólíkra þjófélagshópa.

Talnarunur hafa um árabil stjórnað litla Íslandi. Talnarunur, sem fáir hafa skilið hafa runnið um flatskjái landsmanna eins og óræður boðskapur frá æðri máttarvöldum. Nú er tími til kominn til að ýta þessum boðskap til hliðar, gefa honum frí um stundarsakir. Við þurfum nú að hlusta hvert á annað og ræða málin. Við þurfum að glæða aftur lífi í gömlu gildin, sem gerðu landið byggilegt í yfir þúsund ár. þá kemur e.t.v. í ljós, hvar hinn sanna mælikvarða á velferð okkar er að finna.

Með bestu kveðju,

 Elinóra Inga

Hvalveiðar skapa atvinnu

Við megum ekki kasta á glæ tækifærum til að skapa atvinnu og afla gjaldeyris fyrir þjóðina. Hvalirnir eru að ryksuga upp alla átu í sjónum, sem sést best á hruni fuglastofna og næst snúa þeir sér að loðnu og síld. Svo verður það ýsan og þorskurinn.
Það ríkir mikið ójafnvægi í hafinu, sem fyrr eða síðar gerir út um okkur. Hvalirnir eru að verða eins og vondu bankakarlarnir og þeim þarf að stjórna.

Greiðfært að semja ný lög um hvalveiðar

Gáttaðir á gróðanum

Það má ekki gleyma þeim, sem hafa grætt á bankahruninu. Hvað með bankana okkar sem tóku skortstöðu gegn krónnni. Varla eru þeir bankamenn mjög gáttaðir núna?

Jafnvel sérfræðingar eru gáttaðir

Horfið á þetta!

Ég hvet ykkur til þess að horfa á þessa umfjöllun um reynslu Breta af ESB:

http://video.google.com/googleplayer.swf?docid=2699800300274168460&autoPlay=true&playerMode=embedded

Bretar vilja snúa baki við ESB

Loftpúðabílar ?

Er ekki tími loftpúðabíla eða svifbíla runninn upp? Getum við ekki lagt hausinn í bleyti og hannað farartæki sem þarf ekki hjólbarða. Hugsið ykkur allan sparnaðinn vegna snjómoksturs. Svona bílar myndu svífa yfir snjóinn! Svo myndum við losna við svifrykið sem hefur verið að gera okkur lífið leitt vegna tæringar á malbikinu vegna salts og nagladekkja.
Ég legg til að við sláum Bretum við og leggjum nokkra milljarða í hönnun á umhverfisvænum vetnis svifbíl.

100 milljónir punda í rafmagnsbíla

2 þingmenn af 500!

Hvaða vald hafa 2 þingmenn af 500? Það er akkúrat sá fjöldi sem við fengjum inná Evrópuþingið!

Aðildarviðræður við ESB strax

Al Gore getur tekið sér frí.

Jörðin leitast við að vera í jafnvægi. Þetta eldgos leiðir til þess að við þurfum ekki að hafa svo miklar áhyggjur af hlýnun jarðar.
Ég er hrædd um að svipað gos (náttúruhamfarir) og var í St. Helen í USA sé í uppsiglingu.

Eldgos færist í aukana

Ég er snillingur!

Ég hef verið að velta fyrir mér hvaðan fólkið á að koma sem mun búa í tilvonandi "vinnings blokkum" á flugvallarsvæðinu. Það rann upp fyrir mér ljós !
Það þarf ekkert lengur að deila um hvort flugvöllurinn á að vera eða fara. Við flýtum okkur bara að byggja blokkirnar svo að restin af landsbyggðarfólkinu geti flutt þangað. Þá þarf ekki lengur innanlandsflugvöll! Málið dautt!